Патрыярхату
Ганна Комар – беларуская паэтка, пісьменніца і перакладчыца. Навучаецца ў аспірантуры Універсітэта Брайтана, даследуючы, як паэзія можа дапамагчы беларускам распавесці пра досвед гендарнага гвалту і патрыярхату.
Вызваліць нашыя валасы ад вашай хваткі —
дзяржаўная здрада.
Вызваліць нашыя запясці ад вашай хваткі —
дзяржаўная здрада.
Вызваліць нашыя шыі ад вашай хваткі —
дзяржаўная здрада.
Вызваліць галасы —
смяротны вырак.
Мы не будзем біць у барабаны
і ў рондалі, не.
Справядлівасць прыходзіць ціха,
як смерць у сне.
Ніхто не будзе шчаслівы,
пакуль мы не вырвемся
з вашае хваткі,
не выпусцім вас з вашай уласнай пасткі.
