عيد ميلادي
يوم ميلادى
النٌص فات
النص مات
النص عدي مابين صوابعي من سكات
بدون ما أ درك ملمسه
واتنفسه
النص مات
مش باقي منه غير سراب
في مراية الروح في الجسد
في زمان بيحفرني في أناة
وكأني شاهد مقبرة
نصه أكتمل
نصه اتعمل
أما اللى باقي دليل مؤكد
على اللى مات
----------
ودى ليله تشبه الليالي كلها
لم تختلف
إلا في سواد لونها العميق
وأبواب زنازن
كالزنازن نفسها
لا تتسع
إلا علشان ترجع تضيق
وده حلم تانى
مابين صوابعي بيحترق
جوه الضلوع.....مُر الحريق
كان عيد ميلاد ي الليلة
كان نفسي الحلقه
لو ح الحلقه
حر طليق
