Jkuxlejaltik

¿Bu kom ach’ulel vinik?
¿Bu kom ach’ulel k’ox?
¿Bu kom akuxlejal ants?
¿Bu kom akuxlejal tseb?
Yantik chjel, yantik xch’ay jkuxlejaltik
k’elavil vu’ne
mu’yuk xa lek laj chan li bats’i k’ope
k’elavil vo’te cha k’exav ta sk’opojel.
k’elo li jk’utike
yantik chjel, yantik xch’ai.
K’elo li vitsetike
Sepkarantik xa li ste’tikale
K’elo k’uyelanil ta jmil jbatik skoj tak’in
K’elo li uk’umetike
mu’yuk xa lek stakopal ku’untik.
Yantik chjel, yantik xcha’y
smantal me’el-moletike
ja’ yu’un chkalbot une juteb smantal jmutot

Snichimal buch’u chjelav ya’i ta Norte

Me’
mi lik xanavkun ta takin osilaltike
tey ta jnatik
ja’mo li ti’ nae
k’ano vokol, tik’bun jnichim
tao ta k’oponel li jtotiketike.
Mi lik xanavkun ta takin osilaltike
jamluk me snenal jnatik
ak’o xjuch’etuk jelavuk li ik’e
ja’ no’ox mu me stup yu’un li jnichime.
Mi lik xanavkun ta takin osilaltike
mu to me xa lok’, mu to me xa xanav ta muk’ ta be
cha’bio jbi, cha’bio jch’ulel
tao ta k’oponel li jtotiketike, muxa jipun lok’el ta avo’onton, k’anbun jlekilal.

Xanvil vinik

Jun te’
jun na
jun ts’i’
ta xokon tak’inal be
cha mala xjelav
li trene chikotbal ta namal lum
sat jtotiketik
spat avo’onton,
ok’om, cha’ej
cha tambal abe
ta slok’em smalem jtotik
cha xanav batel.